वल बहादुर उचै‚ पाल्पा ।
भदौ १८
निःशुल्क किचन हेल्पर (१६० घण्टा) तालिमको समापन तथा प्रमाण–पत्र वितरण कार्यक्रम माथागढी गाउँपालिकामा सम्पन्न भयो ।
नेपाल सरकार श्रम‚ रोजगार तथा सामाजिक सुरक्षा मन्त्रालय वैदेशिक रोजगार बोर्डको सचिवालय बबरमहल काठमाडौंको आयोजनामा तालिम प्रदायक संस्था कस्मोपोलिटन कन्सल्टेन्ट एण्ड टेक्निकल एजुकेशन सेन्टर प्रा. लि. ले पाल्पा जिल्लाको माथागढी गाउँपालिका वडा नम्बर ३ सराईमा सञ्चालन गरेको निःशुल्क किचन हेल्पर (१६० घण्टा) तालिमको समापन तथा प्रमाण–पत्र वितरण कार्यक्रम माथागढी गाउँपालिकाका अध्यक्ष यम बहादुर चिदीको प्रमुख आतिथ्यतामा सम्पन्न भयो ।
चिदीले तालिममा प्रशिक्षार्थीहरुले सिकेका सीपहरु व्यहारमा प्रयोग गर्नुपर्ने र अरु तालिमको लागि पालिकामा माग भएमा सहजिकरण गर्ने बताउनुभयो र अतिथि वडा सदस्य मान बहादुर रानाले मन्तव्य राख्नुभएको थियो । प्रशिक्षार्थी गुनिसा काफ्लेले तालिम ब्यवहारिक भएको र सिकेको सीप सबै जनाले सदुपयोग गर्नुपर्ने बताईन् । प्रशिक्षक इन्दिरा बौडेलको स्वागत मन्तब्यमा सुरु भएको कार्यक्रम माथागढी गाउँपालिका वडा नम्बर ३ का वडा अध्यक्ष तेज बहादुर घर्ती मगरको अध्यक्षतामा सम्पन्न भयो भने कार्यक्रमको सञ्चालन संस्थाका कार्यक्रम संयोजक वल बहादुर उचैले गरेका थिए ।
